رستم پاکستان دنگل:سیمی فائنل مقابلوں کا شیڈول سامنے آ گیا

رستم پاکستان کے دنگل کا بگل بج گیا۔پاکستانی پہلوان اکھاڑے میں لڑنے کیلئے تیار،انتظامیہ نےرستم پاکستان دنگل کے سیمی فائنل مقابلوں کا شیڈول جاری کر دیا ۔ فائنل آئندہ ماہ جون میں لاہور میں ہو گا۔
شیڈول کے مطابق رستم پاکستان دنگل کے سیمی فائنل 23 مئی کو فیصل آباد میں ہوں گے۔
تفصیلات کے مطابق دونوں جوڑ ایک ہی دن ہوں گے۔ زرعی یونیورسٹی فیصل آباد میں پہلوان زور آزمائی کریں گے۔

رستم پاکستان کےپہلے سیمی فائنل میں طیب رضا اعوان اور گلزار گلوبٹ اکھاڑے میں اتریں گے،جبکہ رستم پاکستان دنگل کے دوسرے سیمی فائنل میں آصف موچی پہلوان اور عدنان ٹائراں والا کے درمیان جوڑ پڑے گا۔ رستم پاکستان کا فائنل دنگل آئندہ ماہ لاہور میں ہو گا۔