مون سون کادوسراسپیل،پی ڈی ایم اےنےالرٹ جاری کردیا

صوبائی ڈیزاسٹر منیجمنٹ اتھارٹی پنجاب(پی ڈی ایم اے)نےپنجاب بھرمیں مون سون کےدوسرےسپیل کےپیش نظرالرٹ جاری کردیا۔
موسم کاحال بتانےوالوں کاکہناہےکہ صوبائی دارالحکومت لاہورمیں آج موسم جزوی ابرآلودرہنےاوربارش کاامکان ہے،جبکہ مری،گلیات، راولپنڈی، جہلم، گوجرانوالہ اورسیالکوٹ میں بارش متوقع ہے،اُدھر شیخوپورہ ،میانوالی، خوشاب، سرگودھااورفیصل آبادمیں بارش کی توقع ہے۔
ترجمان پی ڈی ایم اےکاکہناہےکہ 5سے10جولائی کےدوران پنجاب بھرمیں مون سون بارشوں کاامکان ہے،راولپنڈی،مری،گلیات،چکوال،جہلم اور گوجرانوالہ میں بارشوں کاامکان ہےجبکہ لاہور، شیخوپورہ، سیالکوٹ،نارووال، ساہیوال اورفیصل آبادمیں بارشوں کی توقع ہے۔اُدھر اوکاڑہ،قصور، خوشاب اور سرگودھامیں گرج چمک کےساتھ بارش کاامکان ہے۔
ڈی جی پی ڈی ایم اے عرفان علی کاٹھیاکاکہناہےکہ 7جولائی سےدریاؤں میں پانی کےبہاؤمیں اضافہ ہوسکتاہے۔