190ملین پاؤنڈریفرنس:عدم پیشی پر بشریٰ بی بی کے ناقابل ضمانت وارنٹ جاری

190ملین پاؤنڈریفرنس میں عدالت نےبانی تحریک انصاف عمران خان کی اہلیہ بشریٰ بی بی کی عدم پیشی پرناقابل ضمانت وارنٹ گرفتاری جاری کردئیے۔
احتساب عدالت کےجج ناصرجاویدرانانے190ملین پاؤنڈریفرنس کی سماعت کی۔
بشریٰ بی بی کے وکیل نے آج بھی طبی بنیادوں پر حاضری سے استثنیٰ کی درخواست دائر کی ۔جس پرنیب کےوکیل نےاعتراض اٹھایااورکہاکہ بشریٰ بی بی کا میڈیکل لیڈی ریڈنگ ہسپتال پشاور کا ہے جبکہ تصدیق اسلام آباد سے ہوئی، ملزمان نے آج بھی 342 کا بیان جمع نہیں کرایا۔
احتساب عدالت کے جج ناصر جاوید رانا نے 8 سماعتوں سے مسلسل عدم پیشی پر بشریٰ بی بی کے ناقابل ضمانت وارنٹ گرفتاری جاری کرتےہوئےنیب کو بشریٰ بی بی کو گرفتار کرکے 26 نومبر کو پیش کرنے کی ہدایت کی اور بشریٰ بی بی کے ضامن کو بھی شوکاز جاری کر دیا۔