جنوبی کوریاکےقائم مقام صدرہان ڈک سوکےخلاف بھی مواخذہ کی قرار داد منظور ہوگئی۔
غیرملکی خبریجنسی کےمطابق ہان ڈک صدریون سک یول کامواخذہ ہونے کے بعد 2ہفتےقبل صدربنےتھے،صدرہان ڈک سوکےخلاف 192ووٹوں سےقرار داد منظورہوئی جبکہ مخالفت میں ایک ووٹ بھی نہ آیا۔
غیرملکی خبرایجنسی کےمطابق نئی پیش رفت کےبعدایشیاکی چوتھی بڑی معیشت میں جاری سیاسی بحران شدیدترہوگیا،وزیرخزانہ چوئی قائم مقام صدربن گئے، برطرف صدریون سک یول کامقدمہ آئینی عدالت میں زیرغور ہے،آئینی عدالت نےصدریون سک یول کوبحال نہ کیاتو60یوم میں انتخابات ہونگے۔
یاد رہےکہ رواں سال 3دسمبرکوجنوبی کوریاکےصدریون سک یول نےمملکت میں مارشل لاکالگانے کے احکامات جاری کئےتھےجس سےملک بھرمیں احتجاج شروع ہوگیاتھاجس کےچندگھنٹوں بعدصدرکومارشل لاکےاحکامات واپس لینےپڑھ گئےتھے۔جنوبی کورین صدرنےاپنےاس اقدام پرعوام سےمعافی بھی مانگی تھی۔
واضح رہےکہ مارشل لاکی وجہ سےکورین صدرکےخلاف مواخذےکی تحریک پیش کی گئی تھی جوکہ ناکام ہوگئی تھی لیکن مواخذےکی دوسری تحریک کامیاب ہوگئی تھی جس میں قومی اسمبلی کے300ارکان نےحق رائےدہی استعمال کیا،جس میں سے 204ووٹ قراردادکےحق میں جبکہ 85ووٹ مخالفت میں ڈالے گئے۔
مواخذےکی تحریک کامیاب ہونےپرصدریون سک یول صدارتی فرائض سےمعطل ہوگئےتھے۔جس کےبعدتقریباً2ہفتےقبل ہان ڈک نےصدرکاعہدہ سنبھالاتھا۔