9 مئی کرنیوالوں، منصوبہ سازوں کو قانون کے مطابق جوابدہ ہونا چاہیے،ڈی جی آئی ایس پی آر

پاک فوج کے ترجمان لیفٹیننٹ جنرل احمد شریف چودھری نےکہاہےکہ 9 مئی کرنےوالوں، سہولت کاروں اور منصوبہ سازوں کو قانون کے مطابق جوابدہ ہونا چاہیے۔
اسلام آبادمیں منعقدتقریب میں خطاب کےمیڈیاسےغیررسمی گفتگوکرتے ہوئے ترجمان پاک فوج احمدشریف چودھری کاکہناتھاکہ برسلزمیں فیلڈمارشل سیدعاصم منیرنےکوئی سیاسی بات نہیں کی اورناہی کسی معافی کاذکرکیا۔ فیلڈ مارشل نے تحریک انصاف سے مصالحت کابھی کوئی ذکر نہیں کیا، افسوس کی بات ہے کہ سینئر صحافی نے بھی غیر ذمہ داری کا مظاہرہ کیا، فوج ایک ذمہ دار ادارہ ہے۔
پاک فوج کے ترجمان لیفٹیننٹ جنرل احمد شریف چودھری کا مزیدکہناتھاکہ برسلز تقریب میں سینکڑوں افراد موجود تھے، تقریب میں شریک افراد نے فیلڈ مارشل کے ساتھ تصاویر بنوائیں۔
اُن کاکہناتھاکہ 9 مئی صرف فوج کا نہیں قوم کا مقدمہ ہے، 9 مئی کرنے والوں، اس کے سہولت کاروں اور منصوبہ سازوں کو قانون کے مطابق جوابدہ ہونا چاہیے۔پاکستان خطےکی تقدیریں تبدیل کرنے والا ملک ہے، یہی وجہ ہےکہ اس پر تواتر سے حملے ہوتے ہیں، نوجوانوں کو اپنی نظریاتی ریاست کی میراث اور تاریخ سمجھنی چاہیے۔
ترجمان پاک فوج کامزیدکہناتھاکہ ہندوستان کا خیال تھا کہ وہ حملہ کرے گا تو پاکستانی فوج کو آسانی سے ڈس کریڈٹ کر دے گا مگر سب الٹ گیا، پاکستان اورپاک فوج کا بھرپور جواب ملا تو بھارت اپنی تمام پراکسیز سمیت منصوبوں میں ناکام ہوا۔پاکستان نے ہر محاذ پر دشمن کا مقابلہ کیا، پاکستان میں پائیدار قیام امن کے لیے 2014 والے نیشنل ایکشن پلان پر عملدرآمد ناگزیر ہے، نیشنل ایکشن پلان کے صرف پہلے نقطے پر مکمل عمدرآمد ہو رہا ہے ۔