انڈر19ورلڈکپ :انگلینڈنے پاکستان کوشکست دیدی

انڈر19ورلڈکپ کےچوتھےمیچ میں انگلینڈنے پاکستان کو37 سکورسےشکست دےدی۔
ہرارے میں کھیلے گئے میچ میں پاکستان نےٹاس جیت کرپہلےفیلڈنگ کافیصلہ کیا،انگلینڈنےپہلےکھیلتےہوئے  47 ویں اوور میں 210 رنز بنائے۔ہدف کےتعاقب میں قومی ٹیم 47 ویں اوور میں 173رنز بناکر آؤٹ ہوگئی۔
ایونٹ میں پاکستان نےمایوس کن آغازکیا،انگلینڈ کی جانب سے فیلکونر نے سب سے زیادہ 66 رنز بنائے۔
پاکستان کی جانب سے احمد حسین نے 3 وکٹیں حاصل کیں جبکہ علی رضا، عبدالسبحان اور مومن قمر نے 2،2 کھلاڑیوں کو پویلین کی راہ دکھائی۔
انگلش ٹیم کے دیے گئے 211 رنز کے ہدف کے تعاقب میں پاکستانی ٹیم کے اوپنرز سمیر منہاس اور محمد شایان صرف 23 کے مجموعی سکور پر آؤٹ ہوگئے، عثمان خان 6 رنز بنانے کے بعد پویلین پہنچے، احمد حسین 12 رنز بناکر آؤٹ ہوئے۔
پاکستان کی بیٹنگ لائن مشکلات کا شکار رہی اور پاکستان انڈر 19 ٹیم 211 رنز کے ہدف کے تعاقب میں 47 ویں اوور میں 173رنز بناکر آؤٹ ہوگئی، اسے 37 رنز سے شکست کا سامنا کرنا پڑا۔کپتان فرحان یوسف 65 رنز بناکر نمایاں رہے۔
انگلینڈ کے ایلکس گرین، البرٹ اور جیمز منٹو نے 2، 2 کھلاڑیوں کو آؤٹ کیا۔