نومئی احتجاج کیس:اعظم سواتی ،جمشیدچیمہ اورمسرت چیمہ کی عبوری ضمانت میں 3اپریل تک توسیع
نومئی احتجاج کیس میں عدالت نےپی ٹی آئی رہنما اعظم سواتی ،جمشیدچیمہ اور مسرت چیمہ کی عبوری ضمانت میں 3اپریل تک توسیع کردی۔
لاہور کی انسداد دہشت گردی عدالت کے جج ارشد جاوید نے نومئی جلاؤگھیراؤکیس کی سماعت کی، اعظم سواتی، جمشید چیمہ اور مسرت چیمہ سمیت دیگر ملزمان عدالت کے روبرو پیش ہوئے۔
ڈیوٹی جج نے پراسیکیوشن سے مقدمات کا مکمل ریکارڈ طلب کر لیا جبکہ وکلاء سے آئندہ سماعت پر دلائل پیش کرنے کی ہدایت کی۔
بعدازاں عدالت نے مزید کارروائی کے لیے سماعت 3 اپریل تک ملتوی کر دی۔
واضح رہےکہ ملزمان کیخلاف عسکری ٹاور جلاؤ گھیراؤ سمیت دیگر واقعات کے مقدمات درج ہیں۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔