ڈیزل کی قیمت میں اضافہ،گڈزٹرانسپورٹرزکاکرایوں میں 60فیصداضافے کاعلان

پاکستان گڈز ٹرانسپورٹ الائنس نے پیٹرولیم مصنوعات کی قیمتوں میں حالیہ اضافے کی شدید مذمت کرتے ہوئے کرایوں میں 60 فیصد اضافے کا اعلان کر دیا ہے۔
صدر پاکستان گڈز الائنس ملک شہزاد کا کہنا ہے کہ پیٹرولیم قیمتوں میں اضافہ ملک میں مہنگائی کے ایک نئے طوفان کو جنم دے گا۔
انہوں نے کہا کہ حکومتی پالیسیوں کے باعث لاکھوں افراد بے روزگار ہو رہے ہیں، اور اگر فیصلوں پر نظرثانی نہ کی گئی تو ملک بھر میں ٹرانسپورٹ کا نظام مفلوج ہو سکتا ہے۔
دوسری جانب پاکستان پبلک ٹرانسپورٹ اونرز ایسوسی ایشن نے ڈیزل کی قیمت میں اضافے پر تشویش کا اظہار کرتے ہوئے آج ہنگامی اجلاس طلب کر لیا ہے۔
ایسوسی ایشن کے مطابق ڈیزل کی قیمتوں میں جس تناسب سے اضافہ کیا گیا ہے، اس کے مطابق کرایوں میں اضافہ ممکن نہیں، بہتر ہے حکومت واضح طور پر کہہ دے کہ ٹرانسپورٹرز اپنا کاروبار بند کر دیں۔
واضح رہے کہ حکومت نے گزشتہ رات پیٹرول اور ڈیزل کی قیمتوں میں تاریخ کا سب سے بڑا اضافہ کیا ہے۔