وزیراعلیٰ پنجاب مریم نواز شریف نے کہا ہے کہ صوبائی حکومت تعلیمی اداروں، سرکاری دفاتر، پبلک ٹرانسپورٹ اور دیگر عوامی مقامات پر سگریٹ نوشی پر عائد پابندی پر سختی سے عملدرآمد یقینی بنا رہی ہے، اور اس کی خلاف ورزی کو قابلِ سزا جرم قرار دیا گیا ہے۔
ورلڈ نو ٹوبیکو ڈے کے موقع پر اپنے پیغام میں انہوں نے کہا کہ حکومت نوجوانوں میں سگریٹ نوشی اور ویپنگ کے رجحان کی حوصلہ شکنی کے لیے مؤثر اقدامات کر رہی ہے، جبکہ اس حوالے سے آگاہی کو ایک اجتماعی ذمہ داری قرار دیا گیا ہے۔
صحت کے ماہرین کے مطابق دنیا بھر میں تمباکو استعمال کرنے والوں کی بڑی تعداد کم اور درمیانی آمدنی والے ممالک میں رہتی ہے، جبکہ لاکھوں نوجوان پہلے ہی اس کے مضر اثرات کا شکار ہیں۔
ماہرین نے خبردار کیا کہ ای سگریٹ کا استعمال روایتی سگریٹ نوشی کی طرف لے جا سکتا ہے، اور تمباکو کی تمام اقسام انسانی صحت کے لیے انتہائی نقصان دہ ہیں جن کے لیے کوئی محفوظ حد موجود نہیں۔
