سونے کے دام یکدم گر گئے، ایک دن بعد ہی قیمت میں پھر بڑی کمی ریکارڈ

سونے کے دام یکدم گر گئے، ایک دن بعد ہی قیمت میں پھر بڑی کمی ریکارڈ کی گئی۔
ملکی صرافہ مارکیٹ میں سونا فی تولہ 3 ہزار 100 روپے سستا ہوگیا، جس کے بعد فی تولہ سونے کی قیمت 4 لاکھ 34 ہزار 436 روپے پر آگئی۔
آل پاکستان صرافہ ایسوسی ایشن کے مطابق 10 گرام سونے کی قیمت میں 2 ہزار 658 روپے کمی ہوئی، جس کے بعد 10 گرام سونا 3 لاکھ 72 ہزار 458 روپے کا ہوگیا۔
دوسری جانب چاندی کی قیمت میں بھی کمی ریکارڈ کی گئی، فی تولہ چاندی 100 روپے سستی ہوکر 6 ہزار 488 روپے پر آگئی۔عالمی منڈی میں بھی سونے کے دام نیچے آگئے، جہاں فی اونس سونا 31 ڈالر کمی کے بعد 4 ہزار 119 ڈالر کا ہوگیا۔یوں ایک ہی دن کے وقفے کے بعد ملکی اور عالمی مارکیٹ میں سونے کی قیمت میں ایک بار پھر نمایاں کمی دیکھنے میں آئی۔