پنجاب کے ہر بچے کو تعلیم کا حق دینے کا عزم لے کر آئے ہیں

پاکستان ٹوڈے: ہمارا ویژن ہے کہ پنجاب میں دنیا کا بہترین تعلیمی نظام لاگو کریں گے۔ صوبے میں تعلیمی انقلاب کیلئے دن رات محنت کریں گے، ایک کروڑ آؤٹ آف سکول بچوں کو سکولوں میں لانا بڑا چیلنج ہے۔

پنجاب میں دنیا کا سب سے کمال تعلیمی سسٹم اور بہترین نصاب متعارف کروائیں گے۔ ایسی ایجوکیشن پالیسی لا رہے ہیں کہ پنجاب کی تعلیمی ترقی کی مثال دی جا سکے گی۔

بہترین تعلیمی ریفارمز لانے، کوالٹی آف ایجوکیشن بہتر کرنے پر فوکس ہے، گذشتہ 76 سالوں میں جو تعلیمی ڈویلپمنٹ نہیں ہو سکی، ان کا ازالہ کریں گے۔

گذشتہ حکومت کی طرح عوام کو دلاسے نہیں دیں گے۔ ماضی کی حکومت نے ایک بھی ایجوکیٹرز بھرتی نہیں کیا۔

گذشتہ حکومت کے نام نہاد تعلیمی اقدامات کا نتیجہ اساتذہ بھی بھگت رہے ہیں۔ اساتذہ کی ایک لاکھ سے زائد خالی آسامیاں گذشتہ حکومت کی تعلیمی کارکردگی پر سوالیہ نشان ہیں۔

خالی آسامیاں پر کر کے تعلیمی اداروں میں اساتذہ کی کمی پوری کی جائے گی،اساتذہ کے مسائل حل، سرکاری سکولوں پر عوام کا اعتماد بحال کریں گے۔