احمد جاوید قاضی کی سربراہی میں سٹوڈنٹس کی آگاہی کے لئے آن لائن اجلاس منعقد

پاکستان ٹوڈے: وزیر اعلیٰ پنجاب مریم نواز کی خود مختاری اپنی سواری اسکیم کے تحت پنجاب بھر میں طلبہ و طالبات کی جانب سے درخواستیں اپلائی کرنے کا سلسلہ جاری ہے۔

تفصیلات کے مطابق اس حوالے سے صوبائی وزیر ٹرانسپورٹ بلال اکبر خان اور سیکرٹری ٹرانسپورٹ پنجاب اینڈ ماس ٹرانزٹ ڈیپارٹمنٹ احمد جاوید قاضی کی سربراہی میں سٹوڈنٹس کی آگاہی کے لئے آن لائن اجلاس منعقد کیا گیا۔ جس میں ملتان اور بہاولپور کے ڈی سیز سیکرٹری ریجنل ٹرانسپورٹ اتھارٹز وائس چانسلر اور طلبہ وطالبات کے ساتھ بائیکس کی آگاہی کے آن لائن اجلاس میں شریک تھے۔

صوبائی وزیر ٹرانسپورٹ بلال اکبر خان نے کہا کہ وزیر اعلیٰ پنجاب مریم نواز کا ایک احسن اقدام ہے۔ جس میں سٹوڈنٹس نے اس اسکیم میں بھرپور طریقے سے شرکت کی ایک لاکھ تیرا ہزار سے زائد سٹوڈنٹس نے اپلائی کر دیا ہے حکومت پنجاب ایک ارب روپے سے زائد سبسڈی دے رہی ہے۔

سیکرٹری ٹرانسپورٹ پنجاب اینڈ ماس ٹرانزٹ ڈیپارٹمنٹ احمد جاوید قاضی نے آن لائن اجلاس کے شرکاء سے بات کرتے ہوئے کہا کہ 20ہزار بائیکس کی فراہمی پہلا فیز ہے۔ اس کے بعد سیکنڈ اور تھرڈ فیز بھی آئے گا جس میں زیادہ سے زیادہ طلبہ و طالبات کو سہولیات میسر آئیں گی