مون سون بارشوں کاچھٹاسپیل :پی ڈی ایم اےکاالرٹ جاری

پنجاب میں مون سون بارشوں کاچھٹاسپیل ،پی ڈی ایم اےنےایک اورالرٹ جاری کردیا۔
ترجمان پی ڈی ایم اے کاکہناتھاکہ پنجاب میں مون سون بارشوں کا چھٹا سپیل یکم اگست سے شروع ہو گا۔ یکم اگست سے 6 اگست تک پنجاب میں مون سون بارشوں کی پیشگوئی۔2 اگست سے 6 اگست کے دوران جنوبی پنجاب کے بیشتر اضلاع میں آندھی اور گرج چمک کے ساتھ بارش کے امکانات ہیں۔راولپنڈی ،گجرانوالہ، سرگودھا، ملتان ،ڈیرہ غازی خان، بہاولپور، لاہور، فیصل آباد ،ساہیوال اور گجرات ڈویژنز میں مون سون بارشیں متوقع ہیں۔
ڈی جی پی ڈی ایم اے عرفان علی کاٹھیا کاکہناتھاکہ موسمی صورتحال کے بارے متعلقہ انتظامیہ کو الرٹ جاری کر دیا ہے۔ وزیر اعلیٰ پنجاب کی ہدایات کے پیش نظر متعلقہ محکمے الرٹ رہیں۔ بڑے شہروں کی انتظامیہ الرٹ رہے اور پیشگی انتظامات مکمل کریں۔
پی ڈی ایم اے نے کمشنرز، ڈی سیز ،واسا، محکمہ آبپاشی، ریسکیو، سول ڈیفنس اور دیگر متعلقہ محکموں کو الرٹ رہنے کی ہدایت کردی۔
ڈی جی عرفان کاٹھیاکامزیدکہناتھاکہ پی ڈی ایم اے کنٹرول روم میں 24 گھنٹے صورتحال کی مانیٹرنگ ہو رہی ہے۔پنجاب میں مون سون بارشوں کے دوران دریاؤں اور ڈیمز میں پانی کی صورتحال نارمل ہے۔عوام الناس سے التماس ہے کہ حکومتی ہدایات پر عملدرآمد یقینی بنائیں۔ پرانی عمارتوں، کھمبوں اور آسمانی بجلی کی گرج چمک سے بچاؤ کیلئے محفوظ مقامات پر رہیں۔ہنگامی صورتحال میں پی ڈی ایم اے کی ہیلپ لائن 1129 پر کال کریں ۔