دنیاکی سب نعمتوں کےباوجوداپنی چھت نہ ہوتوکمی محسوس ہوتی ہے،مریم نواز

وزیراعلیٰ پنجاب مریم نوازنےکہاہےکہ آپ کےپاس دنیاکی سب نعمتیں ہوں پراپنی چھت نہ ہوتووہ کمی محسوس ہوتی ہےجس کوالفاظ میں بیان کرنامشکل ہے۔
وزیراعلیٰ پنجاب مریم نوازکااپناگھراپنی چھت کی افتتاحی تقریب سےخطاب کرتےہوئےکہناتھاکہ آج اللہ کے فضل سے میں وہ سکیم لانچ کرنے جا رہی ہوں جس کا مجھےاورنوازشریف کو سب سے زیادہ انتظارتھااور پنجاب کی عوام کو بھی اس کا سب سے زیادہ انتظار تھا ۔مجھ سے سوالات کیے جا رہے تھے جس کے پاس اپنی چھت ہوتی ہے اس کو شاید اس کی قدر کم ہوتی ہے یہ خواہش کی شدت اس سے پوچھیں جن کے پاس اپنی چھت نہیں ہے ۔آپ کے پاس دنیا کی سب نعمتیں ہوں اپنی چھت نہ ہو تو وہ کمی محسوس ہوتی ہے جس کو الفاظ میں بیان کرنا مشکل ہے ۔
مریم نوازکامزیدکہناتھاکہ سیکرٹری ہاؤسنگ اسد اللہ خان کو مبارکباد دیتی ہوں کہ ہماری خواہش کو حقیقت کی شکل دی انشاللہ ہم جلدی جلدی گھر بنا کر بھی لوگوں کو دیں گے ۔ان کو احساس تھا اس چیز کا کہ کسی کو رہنے کے لیے اپنا گھر یا چھت دے دو اس سے بڑی کوئی خوشی نہیں ہوتی۔ اگر آپ کے پاس ایک سے 5 مرلہ کی زمین ہے تو آپ کو حکومت پنجاب آپ کو 15 لاکھ روپے آسان اقساط پر قرضہ دے گی ۔
اُن کاکہناتھاکہ میں نے پوری کوشش کی ہے کہ اس کی قسط 14 ہزار سے زیادہ نہ ہو ۔مجھے اندازہ ہے کہ گھر کا بجٹ بنانا پڑتا ہے تو کم آمدنی والے کو کتنی مشکلات کا سامنا کرنا پڑتا ہے،اس قرض میں کوئی سود نہیں ہے اس کو اپلائی کرنے کا طریقہ بھی آسان کر دیا گیا ہے ۔080009100پر کال کرکے بھی آپ  اپنےآپ کورجسٹر کروا سکتے ہیں۔اس کی زیادہ سے زیادہ 14 ہزار روپے قسط ہے جو سات سال میں ادا کرنی ہے۔