عدالت نےشیخ وقاص اکرم کی حفاظتی ضمانت منظورکرلی

پشاورہائیکورٹ نےرہنماتحریک انصاف شیخ وقاص اکرم کی حفاظتی ضمانت منظور کرتےہوئے گرفتارنہ کرنےکاحکم بھی دےدیا۔
پشاورہائیکورٹ میں تحریک انصاف کےرہنماشیخ وقاص اکرم کی حفاظتی ضمانت کی درخواست پر سماعت جسٹس اعجاز انور پر مشتمل دو رکنی بنچ نے کی۔
درخواست گزاروکیل نےموقف اختیارکیاکہ شیخ وقاص اکرم منتخب نمائندےہیں، ان کے خلاف کئی مقدمات درج ہیں۔
جسٹس اعجاز انور نے استفسار کیا کہ آپ کب سے پشاور میں ہیں، اسلام آباد ضمانت کیلئے کیوں نہیں جاتے؟
درخواست گزاروکیل نےکہاکہ شیخ وقاص اکرم تقریباًایک ماہ سےپشاورمیں موجودہیں،گرفتاری کا خدشہ ہے، درخواست گزار کو تین ہفتوں کی حفاظتی ضمانت دی جائے۔
جسٹس اعجاز انور نے ریمارکس دیئے کہ ہمارے پاس 7 سے 14 دن تک کی حفاظتی ضمانت کا اختیار ہے۔
بعدازاں عدالت نے شیخ وقاص اکرم کی 14 نومبر تک حفاظتی ضمانت منظور کرتے ہوئے درج مقدمات میں گرفتار نہ کرنے کا حکم دے دیا اور درخواست گزار کو متعلقہ عدالتوں میں پیش ہونے کی ہدایت کر دی۔