آلودگی میں اضافہ:لاہورآج پھردنیاکےآلودہ ترین شہروں میں پہلے نمبرپر

آلودگی میں کمی نہ آسکی ،لاہورآج پھردنیاکےآلودہ ترین شہروں میں پہلے نمبر پر آگیا ،سموگ کےبادل چھاگئے،مختلف قسم کی بیماریاں پھیلنےلگیں۔
لاہورمیں فضائی آلودگی میں دن بدن اضافہ ہوتاجارہاہےجس کےباعث مختلف بیماریاں جنم لےرہی ہیں،فضائی آلود گی کوکنٹرول کرنےکےلئے حکومت نےشہرکے کچھ علاقوں میں گرین لاک ڈاؤن بھی لگایاتھا مگرحکومت کاوہ بھی پلان ماحولیاتی آلودگی کوقابوکرنےمیں ناکام رہا۔
مشرق سے مغرب کی طرف ہواؤں کاسلسلہ نہ رک سکا،، لاہور میں سموگ کا سکور 1133 کی اونچی سطح پر پہنچ گیا، راجستھان، جے پور اور دہلی سے آلودہ ہوا لاہور اور مضافات کو مسلسل متاثر کر رہی ہے۔ دوپہر 12 بجے کے قریب ہواؤں کا رخ مغرب سے مشرق کی طرف تبدیل ہونے کا امکان ہے۔
بھارت سے آنے والی آلودہ ہواؤں سے پاکستان کے شمالی اضلاع بھی متاثر ہورہےہیں،پنجاب حکومت کی سموگ کی شدت میں کمی لانے کی کوششیں جاری ہے۔
سینئرصوبائی وزیرمریم اورنگزیب نےخبردارکرتےہوئےکہاہےکہ شہری اور دکاندار رضاکارانہ طور پر اس ماحولیاتی ایمرجنسی میں ساتھ دیں، ورنہ حکومت مکمل لاک ڈاؤن پر مجبور ہو جائے گی، ریستوران اپنے طور پر گاڑیوں کی آمد اور پیدل آمد و رفت کو منظم بنائیں ورنہ صورتحال مزید خراب ہو جائے گی، گرین لاک ڈاؤن، سڑکوں اور راستوں پر پانی کے چھڑکاؤ، تعمیرات پر پابندی کے احکامات پر سخت عمل درآمد بھی جاری ہے۔
مریم اورنگزیب نےشہریوں سےاپیل کی کہ سموگ کی شدت میں احتیاط ہی سب سے بڑا بچاؤ ہے، ماسک لازمی پہنیں، گھروں سے باہر مت نکلیں۔شہری سختی سے احتیاطی تدابیر پر عمل کریں۔
اُن کامزیدکہناتھاکہ ہر شہری اور ہر ادارےکو اپنا بھرپور کردار ادا کرنا ہوگا۔