پاکستان کیخلاف جنوبی افریقہ نےون ڈےسکواڈکااعلان کردیا

پاکستان کےخلاف جنوبی افریقہ نےتین ون ڈےمیچوں کےلئے15رکنی کرکٹ ٹیم کااعلان کردیا۔
پاکستان کرکٹ ٹیم دورہ جنوبی افریقہ پرہےجہاں پردونوں ٹیموں کےدرمیان 3ٹی ٹوئنٹی میچز،3ون ڈےاور2ٹیسٹ سیریزمیچزشیڈول ہیں۔دونوں ملکوں کے درمیان ابھی ٹی ٹوئنٹی سیریز جاری ہے۔جنوبی افریقہ نےپہلےٹی ٹوئنٹی میچ میں قومی ٹیم کوشکست دےکرسیریزمیں 1-0 برترحاصل کررکھی ہے۔
گزشتہ روزجنوبی افریقہ نےپاکستان کےخلاف 15رکنی ون ڈےٹیم کااعلان کردیاہے۔
جنوبی افریقی کرکٹ بورڈ کے مطابق پاکستان کے خلاف ون ڈے سیریز میں ٹیم کی قیادت ٹمبا باووما کریں گے جبکہ فاسٹ بولر رباڈا کی 2023 کے ورلڈکپ کے بعد ون ڈے ٹیم میں واپسی ہوئی ہے۔
اس کے علاوہ ڈیوڈملر اورہینرک کلاسن بھی 2023 کے بعد ون ڈے ٹیم میں واپس آئے ہیں۔البتہ فاسٹ بولر نوکیا انجری کی وجہ سے پاکستان کے خلاف ون ڈے سیریز سے باہر ہوچکے ہیں۔
پاکستان کے خلاف ون ڈے سیریز کیلئے جنوبی افریقی اسکواڈ میں کپتان ٹمبا باووما ، اوٹنیئل بارٹمین، ٹونی ڈی زورزی، مارکو یانسن، ہینرک کلاسن، کیشوو مہاراج، کوینا مافاکا، ایڈن مارکرم، ڈیوڈ ملر، انڈیلے فیلکوایو، کاگیسو رباڈا، ٹرسٹن اسٹبز، ریان رکلٹن، تبریز شمسی، راسی وین ڈیر ڈوسن شامل ہیں۔
واضح رہے کہ جنوبی افریقا اور پاکستان کے درمیان پہلا ون ڈے 17 دسمبر، دوسرا 19 اور تیسرا 22 دسمبر کو کھیلا جائے گا۔