سامان کھونے کے معاملے میں دنیا کی بدترین ایئرلائن کون سی ہے؟

فضائی مسافروں کیلئے اہم خبر،سامان کھونے کے معاملے میں دنیا کی بدترین ایئرلائن کون سی ہے؟
عالمی سطح پردنیا بھر کی ایئر لائنز کی درجہ بندی کے بعد چشم کشارپورٹ جاری۔دنیا بھرمیں کئی ایئر لائنز ہیں،جو مسافروں کے سامان کی حفاظت میں غیرذمہ داری کا ثبوت دیتی ہیں، تاہم OddsMonkey کی طرف سے تازہ ترین مرتب کی گئی رپورٹ میں تقریبا سات لاکھ سے زیادہ ٹرپ ایڈوائزر کے ریویوز کا تجزیہ کیا گیا اور لگیج لوزر ڈیٹا بیس سے حاصل شدہ تخمینوں کا مطالعہ کیا گیا ہے۔
لگیج لوزر ڈیٹا بیس 18ہزارسے زیادہ ہوائی اڈوں اور ایئر لائنز کے لائیو ذرائع کو ٹریک کرتا ہے ۔تجزیے میں پایا گیا کہ دنیا بھر کی تمام مختلف ایئرلائنز میں سے ایک ایسی ایئرلائنز ہے ،جو مسافروں کے سامان کھونے میں دیگر ایئرلائنز سے نمایاں ہے ۔ جب ایئر لائنز میں سامان کھونے کی بات آتی ہے تو آئرلینڈ کی ایئر لائنز ایئر لنگس Aer Lingus کو اس کی غیر ذمہ داری کی وجہ سے دنیا کی بدترین ایئر لائن قرار دیا گیا ہے ۔