ایپل کے سستے ترین آئی فون کوکب متعارف کرایا جائے گا؟ تاریخ سامنے آ گئی

ایپل کے صارفین کیلئے خوشخبری ، سستے ترین آئی فون کوکب متعارف کرایا جائے گا؟ تاریخ سامنے آ گئی ۔
ایپل کی جانب سے اس سال کا سستا ترین آئی فون فروری کے دوسرے ہفتے میں متعارف کرائے جانے کا امکان ہے۔یہ دعویٰ بلومبرگ کی ایک رپورٹ میں سامنے آیا ہے۔ایپل کے آئی فون ایس ای 4 کے حوالے سے کافی عرصے سے لیکس سامنے آ رہی ہیں۔
بلومبرگ کی ایک رپورٹ کے مطابق آئی فون ایس ای 4 کو اگلے ہفتے متعارف کرایا جاسکتا ہے۔ذہن نشین رہے کہ ایپل کی جانب سے آئی فون ایس ای 4 کے حوالے سے کوئی تصدیق نہیں کی گئی۔
رپورٹ میں بتایا گیا کہ ایپل کی جانب سے آئی فون ایس ای 4 کو متعارف کرانے کے لیے ایونٹ کا انعقاد نہیں کیا جائے گا، بلکہ اسے پریس ریلیز کے ذریعے لانچ کر دیا جائے گا۔
رپورٹ کے مطابق آئی فون ایس ای 4 فروری کے آخر تک صارفین کو دستیاب ہو گا، مختلف لیکس سے عندیہ ملا ہے کہ آئی فون ایس ای 4 کا ڈیزائن اس سیریز کے دیگر فونز کے مقابلے میں زیادہ بہتر ہوگا۔پہلی بار آئی فون ایس ای سیریز کے کسی فون میں ہوم بٹن کو ہٹا دیا جائے گا اور آئی فون 14 جیسے فل سکرین ڈیزائن کو اپنایا جائے گا۔فیس آئی ڈی کے لیے فرنٹ کیمرے کو نوچ ڈیزائن میں چھپایا جائے گا۔
مختلف افواہوں کے مطابق آئی فون ایس ای 4 میں 6.1 انچ کا او ایل ای ڈی ڈسپلے دیا جائے گا۔فون کے اندر اے 18 چپ موجود ہو گی جو ایپل کی جانب سے گزشتہ سال کے آئی فون 16 اور 16 پلس میں استعمال کی گئی۔
مختلف لیکس کے مطابق آئی فون ایس ای 4 میں بیک پر 48 میگا پکسل کیمرا دیے جانے کا امکان ہے۔اسی طرح فرنٹ پر 24 میگا پکسل کیمرا موجود ہوگا۔