طلباوطالبات کیلئے مصنوعی ذہانت نقصان دہ ہے یا فائدہ مند ؟

دور جدید میں مصنوعی ذہانت کا استعمال بہت تیزی سے بڑھتا جارہا ہے۔اکثر طلبا و طالبات اپنی اسائمنٹس کیلئے اے آئی ٹیکنالوجی سے مدد لے رہے ہیں۔
آرٹیفشل انٹیلی جنس سٹوڈنٹس کی ذہانت کیلئے نقصان دہ یا فائدہ مند؟ اس حوالے سے ماہرین ِ تعلیم کا کہنا ہے کہ آرٹیفشل انٹیلی جنس کے مثبت اور منفی دونوں طرح کے نکتہ نظر پائے جاتےہیں، دراصل یہا ں اس بات پر منحصر ہے کہ طلبا کو کس طرح کی سائمنٹس دی جارہی ہیں؟ کیونکہ ہر طرح کی معلومات کیلئے چیٹ جی پی ٹی پر انحصار نہیں کیا جاسکتا۔
ماہرین کا کہنا ہے کہ ہر اچھا ٹیچر اس بات کو باآسانی سمجھ سکتا ہے کہ سٹوڈنٹ نے جو مضمون لکھا ہے، آیا وہ خود تحریر کیا ہے یا اس میں مصنوعی ذہانت کا استعمال کیا گیا ہے؟
ماہر ین تعلیم کا کہنا ہے کہ طلباو طالبات کو جو ہوم ورک دیا جاتا ہے، اس کے بارے میں واضح کرنا چاہیے کہ مختلف ویب سائٹس اور پوڈ کاسٹ کے ذریعے اسے کرنا ہے ،تاکہ کلاس میں آکر اس پر ڈسکشن کی جاسکے، اگر طلبا محض کاپی پیسٹ کریں گے تو اس کا کوئی فائدہ نہیں ہوگا۔طلبا کو یہ ہدایات بھی دی جانی چاہیے کہ سوالات کے جوابات کیلئے آرٹیفشل انٹیلی جنس کیساتھ اوریجنل سورسز سے بھی تصدیق کرنا لازمی ہے۔