پائیداراورمؤثرپالیسیوں سےہی پاکستان ترقی کرےگا،محمداورنگزیب

وفاقی وزیرخزانہ محمداورنگزیب نےکہاہےکہ پائیداراورمؤثرپالیسیوں سےہی پاکستان ترقی کرےگا۔
فیصل آبادمیں تقریب سےخطاب کرتےہوئےوفاقی وزیرخزانہ محمداورنگزیب کاکہناتھاکہ کسٹمزسےکرپشن ختم ہوگئی ہے،مزیدبہتری کی گنجائش ہے،ٹیکس کادائرہ کاربڑھانےسےقومی خزانےکابوجھ کم ہواہے، بیرون ممالک کمپنیوں کاپاکستان پراعتمادبڑھ رہاہے،چیف جسٹس سےدرخواست کی تھی جتنےبھی کیس رکےہیں انہیں کلیئرکریں ،ہم ان کےاحسان مندہیں کمیٹی بنائی ہےتیزی سےفیصلے کریں ، ٹیکس کے کیسزجلدی حل ہوجائیں گے،ٹیکس کاپیسہ اداروں کےخسارےمیں جاتاہےتوعوام کانقصان ہے۔
اُن کامزیدکہناتھاکہ پائیداراورمؤثرپالیسیوں سےہی پاکستان ترقی کرےگا،ملکی معیشت درست سمت میں گامزن ہے،پالیسی ریٹ کم ہونےسےکاروباری افرادکوفائدہ ہوا،ہمیشہ یہی بات آتی ہےکہ معاشی استحکام آگیاہے تواسے آگے کیسے برقرار رکھا جائے،معیشت میں بنیادی اسٹرکچرل،اصلاحات نہیں کرینگےتو بات آگےنہیں چل پائےگی۔
محمداورنگزیب کاکہناتھاکہ مہنگائی کی شرح کم ہوکرسنگل ڈیجٹ پرآگئی ،پاکستان کی سٹاک مارکیٹ نےبلندیوں کوچھواہے،وزیراعظم اوران کی ٹیم ملکی ترقی کےلئے کام کررہی ہے،اصلاحات سےٹیکس وصولیوں میں اضافہ ہواہے،ایف بی آرمیں تبدیلی لارہےہیں۔