گوگل سرچ میں صارفین کی پرائیویسی کے تحفظ کیلئے بہترین فیچر متعارف

گوگل سرچ میں صارفین کی پرائیویسی کے تحفظ کیلئے بہترین فیچر متعارف،معروف ٹیکنالوجی کمپنی گوگل نے اپنا رزلٹس اباؤٹ فیچر ری ڈیزائن کر دیا ۔
اس ٹول کے ذریعے صارفین کو گوگل سرچ میں ظاہر ہونیوالی صارفین کی ذاتی تفصیلات پر زیادہ کنٹرول دیا گیا ہے۔اس مقصد کیلئے ایک نیا پرو ایکٹیو مانیٹرنگ ہب تیار کیا گیا ہے، جو پہلے سے دستیاب رزلٹس اباؤٹ یو فیچر کو زیادہ بہتر بنائے گا۔
ری ڈیزائن فیچر کے ذریعے صارفین کو اس وقت نوٹیفائی کیا جائے گا، جب ان کی ذاتی تفصیلات جیسے فون نمبر اور گھر کا پتہ وغیرہ سرچ رزلٹس میں موجود ہوں گے۔صارفین اس نوٹیفکیشن کے بعد مانیٹرنگ ہب میں تفصیلات کو سرچ سے ڈیلیٹ کرنے کی درخواست کرسکیں گے۔اسی طرح گوگل سرچ میں بھی انہیں تفصیلات ڈیلیٹ کرنے سے متعلق آپشنز دستیاب ہوں گے ،جس کیلئے انہیں کسی بھی سرچ رزلٹ کے برابر میں موجود تھری ڈاٹس مینیو میں جانا ہوگا۔
صارفین کے پاس پرانے سرچ رزلٹس کو اپ ڈیٹ کرنے کا آپشن بھی ہوگا، یعنی اگر کسی پرانی ویب سائٹ کی سرچ سمری جس میں صارف کی تفصیلات موجود ہوں گی ، تو صارف انہیں ہٹانے یا ویب پیج کو اپ ڈیٹ کرنے کی درخواست کرسکیں گے۔
گوگل کی جانب سے رزلٹس اباؤ یو فیچر 2023 میں متعارف کرایا گیا تھا، جس کا مقصد آن لائن صارفین کی پرائیویسی کو تحفظ فراہم کرنا تھا۔اس موقع پر گوگل کی جانب سے صارفین کی نامناسب ذاتی تصاویر کے حوالے سے گوگل پالیسی کو بھی اپ ڈیٹ کیا تھا، تاکہ وہ سرچ رزلٹس سے اپنی ایسی تصاویر کو ہٹا سکیں، لہٰذاب دوبارہ گوگل سرچ میں پرائیویسی کے تحفظ کیلئے بہترین فیچر متعارف کروانے پر صارفین نے اظہارِ مسرت کیا ہے۔