سکولوں کا کم از کم رقبہ اور روشن و ہوا دار کمرے بنانے کےاحکامات

طلبا و طالبات کیلئے اہم خبر،سکولوں کے کم از کم رقبے سمیت روشن اور ہوا دار کمرے بنانے کےاحکامات جاری۔پنجاب ایجوکیشن فاونڈیشن نے سکولوں کا کم سے کم رقبہ 10 مرلے اور روشن ہوا دار کمرے بنانے کاحکم دیدیا۔
اس سلسلے میں جاری مراسلے میں کہاگیا ہے کہ ہر سکول کا رقبہ ، ملٹی گریڈنگ اور کمرہ جماعت میں ضروری روشنی کے حوالے سے تمام پارٹنرز سکولوں کو ہدایت کی گئی تھی، جس پر تاحال عمل نہیں ہوا۔
اس سلسلے میں حتمی وارننگ جاری کرتے ہوئےتمام سکولوں کو ہدایت کی جاتی ہے کہ ایک ماہ کے اندر اندرکم از کم 10مرلہ عمارات میں سکول منتقل کریں کمروں کو ہوا دار اور روشن ہونا ضروری ہے، جس کیلئے تمام سکولوں کو تین ماہ کا وقت دیا جارہا ہے ۔