محکمہ موسمیات کی ملک بھر میں طوفانی بارشوں کی پیشگوئی

بارشوں کا نیا سپیل، گرمی کی چھٹی، ایک ہو گا جل تھل، محکمہ موسمیات نے ملک بھر میں طوفانی بارشوں کی پیشگوئی کردی ۔
محکمہ موسمیات کے مطابق مختلف علاقوں میں تیز ہواؤں کے ساتھ موسلادھار بارش اور ژالہ باری کا امکان ہے۔
محکمہ موسمیات نے اپنے انتباہ میں کہا ہے کہ آج سے 12 مئی کے دوران آندھی،جھکڑ، ژالہ باری، گرج چمک اور موسلادھار بارش کی وجہ سے کمزور انفرا سٹرکچر (بجلی کے کھمبے، درخت، گاڑیوں، سولر پینل وغیرہ) کو نقصان پہنچنے کا اندیشہ ہے، لہذا شہریوں کو احتیاطی تدابیر اپنانے کی ہدایت کی گئی ہے۔