بھارت سےتنازع میں پاکستان نےکہیں سےکوئی مددنہیں لی،جنرل ساحرشمشاد

چیئرمین جوائنٹ چیفس آف سٹاف جنرل ساحرشمشادمرزانےکہاہےکہ بھارت سےتنازع میں پاکستان نے اپنےوسائل پرانحصارکیا،کہیں سےکوئی مددنہیں حاصل کی گئی۔
چیئرمین جوائنٹ چیفس آف سٹاف کمیٹی جنرل ساحرشمشادمرزاکابرطانوی نشریاتی ادارےکوانٹرویو دیتے ہوئےکہناتھاکہ مستقبل میں بھارت کےساتھ تنازع مخصوص علاقوں تک محدودنہیں رہےگا،تنازع پورے انڈیا اور پورے پاکستان کومتاثرکرےگا،تنازع سے1.5ارب لوگوں کی تجارت اورسرمایہ کاری بھی متاثرہوگی۔
اُن کامزیدکہناتھاکہ بھارت سےتنازع میں پاکستان نےاپنےوسائل پر انحصار کیا،کہیں سےکوئی مددنہیں حاصل کی گئی،تنازع کےدوران جوکچھ ہواوہ مکمل طور پر پاکستان نےخوداپنےطورپرکیا،جوآلات استعمال کیےوہ ایسےہی ہیں جیسےبھارت کےپاس ہیں۔
جنرل ساحرشمشادمرزاکاکہناتھاکہ پاکستان نے کچھ سامان دوسرےملکوں سے خریدا ہے، حقیقی وقت میں پاکستان نےصرف اندرونی صلاحیتوں پر انحصار کیا۔