کراچی میں آئندہ 3روز موسم کیسا رہے گا، بارش کے کتنے امکانات؟

شہر قائدکراچی میں آئندہ 3روز موسم کیسا رہے گا؟ بارش کے کتنے امکانات ہیں؟محکمہ موسمیات نے پیشگوئی کر دی۔
محکمہ موسمیات نے پیشگوئی کی ہے کہ کراچی ڈویژن میں اگلے 3 دن کے دوران سمندری ہوائیں مکمل طور پر فعال رہنے کا امکان ہے۔شہر میں رات کے وقت بوندا باندی کے امکانات کے ساتھ مطلع جزوی طور پر ابر آلود اور مرطوب رہنے کی توقع ہے،جبکہ نمی کا تناسب صبح کے وقت 80 شام کو 65 فیصد رہنے کا امکان ہے۔
محکمہ موسمیات کاکہناہےکہ کراچی میں آئندہ 3 روز کے دوران زیادہ سے زیادہ درجہ حرارت 34 تا 36 ڈگری کے درمیان ریکارڈ ہو سکتا ہے۔صوبے کے بیشتر علاقوں میں موسم گرم اور مرطوب رہنے کا امکان ہے تاہم آئندہ 24 گھنٹوں کے دوران گھوٹکی، سکھر، لاڑکانہ، جیکب آباد، کشمور، شکارپور اور قمبر شہدادکوٹ اضلاع میں چند مقامات پر مطلع جزوی طور پر ابر آلود اور ہلکی بارش کا امکان ہے۔