الیکشن کمیشن کےپاس ڈائریکٹ نوٹیفکیشن کرنےکااختیارنہیں،یہ اقدام چیلنج کرینگے، بیرسٹرگوہر

چیئرمین تحریک انصاف بیرسٹر گوہر نے کہاہےکہ الیکشن کمیشن کےپاس ڈائریکٹ نوٹیفکیشن کرنے کا اختیارنہیں،ہم یہ اقدام چیلنج کریں گے۔
میڈیاسےگفتگوکرتےہوئےچیئرمین پی ٹی آئی بیرسٹرگوہر کاکہناتھاکہ کل کا احتجاج کامیاب ہوا، عوام سڑکوں پر آئی اور عوام نے اپنے قائد کے لیے آواز اٹھائی،ہم پُرامن لوگ ہیں،کل بھی پرامن احتجاج ہوا ،ملک بھر کے 170 اضلاع، تمام تحصیلوں، یونین کونسلز میں بھرپور احتجاج ہوا، کل عوام نے ثابت کیا کہ بانی پی ٹی آئی کے ساتھ ہیں۔
بیرسٹرگوہرکامزیدکہناتھاکہ پہلی مرتبہ ایساالیکشن کمیشن ہے جو خود اسٹےپرہے، غیرآئینی طورپرتینوں اپوزیشن لیڈران کی نااہلی کےنوٹیفکیشن جاری کئےگئے۔ الیکشن کمیشن کےپاس ڈائریکٹ نوٹیفکیشن کرنے کا اختیارنہیں،ہم الیکشن کمیشن کایہ اقدام چیلنج کریں گے،ہمیں سناہی نہیں گیا،الیکشن کمیشن کو ہمیں سننا چاہیےتھا۔
ان کا کہنا تھا اسحاق ڈارنے ماضی میں کہا تھا کہ ڈس کوالیفکیشن وہی ہو گی جو آئین میں لکھی ہے، ہم اس نااہلی کو چیلنج کریں گے، اپوزیشن لیڈر وہی رہیں گے یہ سیٹ ان کے لیے ریزرو ہے۔