پی ٹی آئی کوبڑادھچکا،قومی اسمبلی کےتین عہدیدارفارغ

تحریک انصاف کو بڑا دھچکا ،عمر ایوب، زرتاج گل اوراحمدچٹھہ کوقومی اسمبلی کے عہدوں سےفارغ کردیاگیا۔
ذرائع کےمطابق پی ٹی آئی کےقومی اسمبلی سےتین عہدےواپس لےلیےگئے، عمرایوب اپوزیشن لیڈرقومی اسمبلی کےعہدےسےفارغ جبکہ زرتاج گل پارلیمانی لیڈراوراحمدچٹھہ کو ڈپٹی پارلیمانی لیڈرکےعہدوں سےفارغ کردیاگیا۔
ذرائع کاکہناہےکہ پی ٹی آئی سےاپوزیشن لیڈرکاچیمبربھی واپس لےلیاگیا، سپیکرایازصادق نےاسمبلی قوائد کےمطابق ممبران کی نااہلیت سےایوان کوآگاہ کردیا،اپوزیشن لیڈرکیلئےاپوزیشن اورسپیکرکےدرمیان مشاورت کاعمل دوبارہ شروع ہوگا۔
ذرائع کابتاناہےکہ سپیکرقومی اسمبلی نئےاپوزیشن لیڈرکانوٹیفکیشن جاری کرینگے،پی ٹی آئی آزاداراکین کوپارلیمانی لیڈراورڈپٹی پارلیمانی لیڈرکیلئےدوبارہ نام دینا ہونگے،عمرایوب پبلک اکاؤنٹس کمیٹی فنانس کمیٹی سےبھی ڈی لسٹ ہوگئے،جبکہ پی ٹی آئی کےنااہل 7ممبران سےقائمہ کمیٹی کی ممبرشپ واپس لےلی گئی۔
ذرائع کےمطابق پی ٹی آئی کے7اراکین اسمبلی سے15قائمہ کمیٹیوں کی رکنیت واپس لےلی گئی،صاحبزادہ حامدرضاکی قائمہ کمیٹی انسانی حقوق کی چیئرمین شپ ختم ہوگئی جبکہ زرتاج گل قائمہ کمیٹی انسانی حقوق کی رکنیت سےہاتھ دھوبیٹھی اوررائےحسن نوازکی قائمہ کمیٹی ریلوےکی چیئرمین شپ بھی ختم ہوگئی۔