قومی کرکٹرزکے2025-26کےسینٹرل کنٹریکٹ کااعلان کردیاگیا

چیئرمین پاکستان کرکٹ بورڈ(پی سی بی)محسن نقوی نےسینٹرل کنٹریکٹ 2025-26کےکھلاڑیوں کی منظوری دےدی۔
2025-26 کے لیےپاکستان کرکٹ بورڈ نے 30 کھلاڑیوں کو کنٹریکٹس دے دیے،سینٹرل کنٹریکٹ میں کرکٹربابراعظم تنزلی کاشکارہوئے،جبکہ سینٹرل کنٹریکٹ میں اےکیٹیگری ختم کردی گئی۔
پرفارمنس کی بنیاد پر کیٹیگری بی، سی اور ڈی میں 10،10کھلاڑی رکھےگئے ۔ کنٹریکٹس یکم جولائی 2025 سے 30 جون 2026 تک لاگو ہوں گے۔گزشتہ سال 27 کھلاڑیوں کو کنٹریکٹ دیے گئے تھے۔اس سال تعداد بڑھ کر 30 ہو گئی،سینٹرل کنٹریکٹس میں 12 نئے کھلاڑیوں کوشامل کیاگیا۔
سینٹرل کنٹریکٹس حاصل کرنےوالےنئےکھلاڑیوں میں احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس، محمد حارث، محمد نواز، صاحبزادہ فرحان، سلمان مرزااورسفیان مقیم شامل ہیں۔
9 کھلاڑی اپنی سابقہ کیٹیگری برقرار رکھنے میں کامیاب رہے،جبکہ 8 کھلاڑی کنٹریکٹ حاصل کرنے میں ناکام رہے۔
بی کیٹیگری میں مایانازبلےبازبابر اعظم، محمد رضوان، شاہین شاہ آفریدی، فخر زمان، شاداب خان، ابرار احمد، حارث رؤف، حسن علی، صائم ایوب اور سلمان علی آغا شامل ہیں ۔
سی کیٹیگری حاصل کرنےوالوں میں عبداللہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صاحبزادہ فرحان، حسن نوازاور نعمان علی شامل ہیں۔
ڈی کیٹیگری میں شان مسعود، حسین طلعت، محمد عباس، محمد وسیم جونیئر، محمد عباس آفریدی، خوشدل شاہ، احمد دانیال، سلمان مرزا، خرم شہزاداور سفیان مقیم کوشامل کرلیاگیا۔