افغانستان میں قیامت خیززلزلہ،622افرادجاں بحق،متعددزخمی

مشرقی افغانستان میں قیامت خیززلزلہ آنےسےہلاکتوں کی تعداد 622تک پہنچ گئی جبکہ ایک ہزارسےزائد افرادزخمی بھی ہوئے۔
غیرملکی میڈیاکےمطابق افغانستان میں گزشتہ رات 11 بجکر 47 منٹ پر 6.0 شدت کاقیامت خیززلزلہ آیااور تقریباً 20 منٹ بعد ہی اسی صوبے میں 4.5 شدت کا ایک اور جھٹکا محسوس کیا گیا جس کی گہرائی 10 کلو میٹر تھی۔دوبارزلزلہ آنےسےہرطرف تباہی کےمناظرتھے،متعددعمارتیں ملبےکاڈھیربن گئیں، اورتقریباً 622افرادجان کی بازی ہارگئےاورایک ہزارسےزائد افرادزخمی ہوئے۔
افغان حکام کا بتانا ہے کہ زلزلے سے سب سے زیادہ نقصان صوبہ کنڑ میں ہوا جہاں سیکڑوں ہلاکتیں ہوئی ہیں جب کہ ہزاروں لوگ زخمی ہیں۔ متعددافراد اب بھی ملبے تلے دبے ہیں جنہیں نکالنے کا عمل جاری ہے۔
یاد رہےکہ گزشتہ رات پاکستان کے مختلف شہروں میں بھی زلزلے کے جھٹکے محسوس کیے گئے تھے تاہم کوئی جانی یا مالی نقصان نہیں ہوا۔
زلزلہ پیما مرکز کے مطابق پاکستان کےمقامی وقت کےمطابق 12 بج کر 38 منٹ پرخیبرپختونخواکےشہر ہنگو، مالاکنڈ، سوات، مانسہرہ، ایبٹ آباد ،چترال، پشاوراوروفاقی دارالحکومت اسلام آباد،راولپنڈی میں 4.6 شدت کے آفٹر شاکس بھی محسوس کیے گئے۔
زلزلہ پیمامرکزکاکہناہےکہ زلزلے کی گہرائی 8 کلو میٹر ،جبکہ آفٹرشاکس میں 10کلومیٹرریکارڈکی گئی،اور زلزلے کا مرکز ننگرہارصوبےکےشہرجلال آبادسے27کلومیٹرمشرق میں تھا۔