فلائی آدیل کاپاکستان کے تین شہروں کیلئے براہِ راست پروازوں کا آغاز

فضائی سفر کا جدید انداز،سعودی عرب کی تیزی سے ترقی کرتی ہوئی سستی ایئرلائن کاپاکستان کے تین شہروں کیلئے براہِ راست شیڈول پروازوں کا آغازہوگیا۔
سعودی عرب کی ایئرلائن فلائی آدیل نے پاکستان میں اپنے آپریشنز میں توسیع کرتے ہوئے دارالحکومت ریاض سے اسلام آباد، پشاور اور سیالکوٹ کیلئے براہِ راست شیڈول پروازوں کا آغاز کر دیا ۔
سعودی عرب کے دارالحکومت سےان تینوں نئے روٹس کو صرف تین دن کی مدت میں متعارف کروایا گیا اور ہر افتتاحی پرواز کی نئی منزل پر آمد کے موقع پر کیک کاٹنے کی تقریبات منعقد ہوئیں، جن میں فلائی آدیل کے عملے نے ایئرلائن اور ایئرپورٹ حکام کے ہمراہ شرکت کی۔
اسلام آباد آمد پر پرواز F3 651 کا روایتی واٹر سیلوٹ کے ساتھ پرتپاک استقبال کیا گیا، جہاں ایئربس A320 کے کاک پٹ سے پائلٹس نے فخر کے ساتھ سعودی عرب اور پاکستان کے پرچم لہرائے۔یہ لمحہ دونوں ممالک کے دارالحکومتوں کے درمیان ایک نئی فضائی راہداری کا آغاز ہے۔
نئے روٹس کی شمولیت کے بعد فلائی آدیل کی سعودی عرب اور پاکستان کے درمیان ہفتہ وار پروازوں کی تعداد 6 سے بڑھ کر 13 ہو گئی ہےا ور یہ تما م پروازیں ایئربس A320 پر مشتمل ہیں، جن کی ترتیب مکمل طور پر 186 نشستوں پر مشتمل اکانومی کلاس ہے۔ہفتے میں چھ پروازوں سے شروع ہونیوالا یہ سفر اب سات مزید پروازوں کے اضافے کے ساتھ تین نئے شہروں تک پھیل رہا ہے۔