سکولوں میں قومی نصاب کی تعلیم کیلئے مصنوعی ذہانت متعارف کروانے کا فیصلہ

جدید تعلیم کے فروغ کا سلسلہ، سکولوں میں اےآئی کو سلیبس کا حصہ بنانے کا فیصلہ ، سکولوں میں قومی نصاب کی تعلیم کے لیے مصنوعی ذہانت متعارف کرائی جائے گی۔
فیڈرل سکولز میں طلبا کو مصنوعی ذہانت کے تحت پڑھایا جائے گا،آٹھویں جماعت سے اے آئی سسٹم کا باضابطہ آغاز ہوگا۔ابتدائی طور پراے آئی کے ذریعے قومی نصاب پڑھانے کاپائلٹ پراجیکٹ ایک شہری اور ایک دیہی سکول میں شروع کیا جائے گااور کامیابی کی صورت میں منصوبہ ایک لاکھ طلبہ تک توسیع پائے گا۔
فیڈرل ڈائریکٹوریٹ آف ایجوکیشن اور مائنڈ ہائیو کے درمیان اس حوالے سے معاہدہ طے پا گیاہے۔ اس حوالے سے پاکستان انسٹی ٹیوٹ آف ایجوکیشن منصوبے کا تفصیلی جائزہ لے گا۔