پی سی بی نےقائداعظم ٹرافی کاشیڈول جاری کردیا

پاکستان کرکٹ بورڈ(پی سی بی) نے قائداعظم ٹرافی کے شیڈول کا اعلان کردیا۔ پریمیر فرسٹ کلاس ٹورنامنٹ کا آغاز 6 اکتوبر سے ہوگا۔
پی سی بی کےشیڈول کےمطابق ٹورنامنٹ پشاور، اسلام آباد، راولپنڈی اور ایبٹ آباد میں کھیلا جائے گا۔ٹورنامنٹ میں 10 ریجنل ٹیمیں شرکت کریں گی۔ٹیموں میں ایبٹ آباد، بہاولپور، فاٹا، فیصل آباد، اسلام آباد، کراچی بلوز، لاہور وائٹس، ملتان، پشاور اور سیالکوٹ کی ٹیمیں شامل ہوں گئی۔
شیڈول میں کہاگیاہےکہ ٹورنامنٹ میں فائنل سمیت 46 فرسٹ کلاس میچ کھیلے جائیں گے۔ٹورنامنٹ میں ہر ٹیم نو میچ کھیلے گی۔ایونٹ کی ٹاپ دو ٹیموں کے مابین فائنل ہوگا۔ٹورنامنٹ میں کُل نو رائونڈ کھیلے جائیں گے۔ٹورنامنٹ کا فائنل 29 نومبر سے 3 دسمبر تک کھیلا جائے گا۔ٹورنامنٹ میں سیالکوٹ ریجن اپنے ٹائٹل کا دفاع کرے گا۔