ایپل کا پہلا فولڈایبل آئی فون ، لانچنگ کی ممکنہ تاریخ سامنے آگئی

ایپل کے صارفین کیلئے اہم خبر، ایپل کا پہلا فولڈ ایبل آئی فون کے پینلز سام سنگ تیار کرے گا ۔ حیران کن لیکس سامنے آ گئیں ۔
سام سنگ ڈسپلے کے صدر لی چیونگ کا کہنا ہےکہ ان کی کمپنی ایک شمالی امریکی کلائنٹ کے لیے فولڈایبل OLED پینلز کی بڑے پیمانے پر پیداوار شروع کرنے جا رہی ہے۔اگرچہ چیونگ نے اس کلائنٹ کا نام نہیں لیا، لیکن عمومی طور پر خیال کیا جا رہا ہے کہ یہ آرڈر ایپل کی جانب سے دیا گیا ہے۔
لیکس مطابق ایپل اپنے پہلے فولڈ ایبل آئی فون کی لانچنگ کے قریب پہنچ چکا ہے، کیونکہ اس کے اہم ڈسپلے کمپوننٹس کی پیداوار کا عمل شروع ہو چکا ہے۔ سام سنگ ڈسپلے پہلے ہی آئی فونز کے لیے OLED اسکرینز فراہم کرتا ہے، اس لیے ایپل کے فولڈایبل ڈیوائس کے لیے بھی سب سے موزوں سپلائر یہی ہو سکتا ہے۔
لیکس کے مطابق ایپل کا فولڈ ایبل آئی فون ایک 5.5 انچ کور ڈسپلے اور 7.8 انچ فولڈنگ انٹرنل سکرین کے ساتھ آ سکتا ہے۔
مزید یہ کہ اس میں موجودہ Face ID کی جگہ سائیڈ ماونٹڈ Touch ID سینسر استعمال ہونے کا امکان ہے جیسا کہ موجودہ اینڈرائیڈ فولڈایبل فونز میں ہوتا ہے۔یہ فولڈایبل آئی فون ستمبر 2026 میں ممکنہ طور پر iPhone 18 سیریز کے ساتھ لانچ کیا جا سکتا ہے۔