پی سی بی نے 2025-26 سیزن کیلئے میچ آفیشلز پینل کا اعلان کردیا

پاکستان کرکٹ بورڈ(پی سی بی) نے 2025-26 سیزن کیلئے میچ آفیشلز پینل کا اعلان کردیا۔
پی سی بی انٹرنیشنل پینل میں میچ ریفری علی نقوی، امپائرز آصف یعقوب، فیصل آفریدی، راشد ریاض اور سلیمہ امتیاز شامل جبکہ پی سی بی کے ایلیٹ پینل میچ آفیشلز میں 18 امپائر اور10 میچ ریفری شامل ہیں۔امپائرز کی پرفارمنس باریکی سے جانچنے کے لئے سپلیمنٹری پینل کودو حصوں میں تقسیم کیاگیا، سپلیمنٹری پینل 1 میں 14 جبکہ سپلیمنٹری 2 میں 24 امپائر شامل ہیں۔
پی سی بی پینل میں میچ ریفریز کے سپلیمنٹری پینل میں دس میچ ریفری شامل جبکہ پی سی بی ایمرجنگ پینل میں ملک بھر سے 40 امپائرز شامل ہیں،میچ آفیشلز پینل میں سلیمہ امتیاز سمیت 13 خواتین امپائرز شامل ہیں، میچ آفیشلز پینل بنانے کا مقصد ملک بھر میں امپائرز اور میچ ریفریز کی کارکردگی بہتر بنانا ہے۔