آئی ایم ایف وفدکی وزارت خزانہ آمد،محمداورنگزیب سےملاقات

بین الاقوامی مالیت فنڈز(آئی ایم ایف)کاوفدوفاقی وزیرخزانہ محمداورنگزیب سےملاقات کےلئے وزارت خزانہ پہنچ گیا۔
وفاقی وزیرخزانہ محمداورنگزیب نےآئی ایم ایف وفدکااستقبال کیا۔نیتھن پورٹرکی قیادت میں وفدنے وزیرخزانہ ومحصولات محمداورنگزیب سےملاقات کی۔وزیر مملکت علی پرویزملک اورگورنراسٹیٹ بینک ملاقات میں موجودہیں،جبکہ چیئرمین ایف بی آراوروزارت خزانہ کےاعلیٰ حکام بھی ملاقات میں موجودہیں۔
آئی ایم ایف وفدکی قیادت مشن چیف نیتھن پورٹرکررہےہیں۔وزیرخزانہ محمداور نگزیب سےآئی ایم ایف وفدنے ابتدائی ملاقات کی۔
ملاقات میں 7 ارب ڈالر کے قرض پروگرام پر عمل درآمد میں اب تک ہونے والی پیشرفت پر تبادلہ خیال کیا گیا۔
وزیرخزانہ محمد اورنگزیب نے آئی ایم ایف وفد کو بریفنگ دیتے ہوئے کہا کہ رواں مالی سال کی پہلی سہ ماہی کے زیادہ تر اہداف حاصل کر لئے گئے اور پروگرام پر مکمل عملدرآمد کے عزم کا اعادہ کیا۔
حکام وزارت خزانہ کا کہنا ہے کہ آئی ایم ایف کو معاشی استحکام کے تسلسل کیلئے اصلاحات کا عمل جاری رکھنے کی یقین دہانی کرائی ہے، وفد 15 نومبر تک پاکستان میں قیام کرے گا۔
خیال رہے کہ آئی ایم ایف وفد کے ساتھ ایف بی آر ٹرانسفارمیشن پلان، ٹریک اینڈ ٹریس، ریٹیلرز سکیم پر مذاکرات آج ہوں گے، ٹرانسفارمیشن پلان کے تحت ایف بی آر کو جدید اور بین الاقوامی معیار کے مطابق بنانا ہے۔