ایم بی بی ایس فورتھ پروفیشنل سالانہ امتحانات کے نتائج کا اعلان ہو گیا

ڈاکٹر بننے کے خواہشمند طلبا و طالبات کیلئے اہم خبر،ایم بی بی ایس فورتھ پروفیشنل سالانہ امتحانات کے نتائج کا اعلان ہو گیا۔یونیورسٹی آف ہیلتھ سائنسز نے ایم بی بی ایس فورتھ پروفیشنل سالانہ امتحانات 2024 کے نتائج کا اعلان کر دیا ۔
44 میڈیکل کالجوں کے 5076 امیدواروں نے امتحان میں شرکت کی ، جس میں سے 4472 پاس جبکہ 319 فیل قرار پائے ۔ امتحان میں کامیابی کا تناسب 93.34 فیصد رہا۔پہلی تینوں پوزیشنز لڑکیوں نے حاصل کر لیں۔
علامہ اقبال میڈیکل کالج لاہور کی ابرا گل نے ایک ہزار میں سے 915 نمبر لیکر پہلی پوزیشن حاصل کی ، جبکہ شیخ زید میڈیکل کالج رحیم یار خان کی ایمن حسان نے 901 نمبر لیکر دوسری پوزیشن حاصل کی جبکہ ڈی جی خان میڈیکل کالج ڈیرہ غازی خان کی فاریہ نے 897 نمبر لے کر تیسری پوزیشن حاصل کی۔تمام نتائج یو ایچ ایس کی ویب سائٹ پر دیکھے جا سکتے ہیں ۔