برفباری کے بعد سردی کی لہر، محکمہ موسمیات نے خبر دار کردیا

برفباری کے بعد سردی کی لہر، محکمہ موسمیات نے خبر دار کردیا۔
محکمہ موسمیات کے مطابق وفاقی دارالحکومت اسلام آباد سمیت ملک کے بیشتر بالائی علاقوں میں مطلع جزوی ابر آلود رہنے کے علاوہ آندھی،تیز ہواؤں اورگرج چمک کے ساتھ بارش کا امکان ہے۔
محکمہ موسمیات نے خبردار کرتے ہوئے کہا ہے کہ ملک میں آئندہ چند روزمیں سردی کی شدت میں بتدریج اضافہ ہو گا، جبکہ ملک کے بالائی اور شمالی علاقہ جات میں وقفے وقفے سے برفباری بھی جاری ہے، لہٰذا پہاڑوں کا رخ کرنیوالے سیاح احتیاطی تدابیر اپنائیں۔
دوسری جانب موسم سرماکاپہلابارش برسانےوالامغربی سسٹم شمالی بلوچستان میں داخل ہوگیا۔شمالی بلوچستان کےپاک افغانستان سرحدی علاقےبارش برسانے والےسسٹم کےزیراثرہیں،چمن شہراورگردونواح میں گرج چمک کےساتھ بارش سےنشیبی علاقےزیرآب آگئے۔
محکمہ موسمیات کےمطابق توبہ اچکزئی اورپاک افغان سرحدی بالائی علاقوں میں موسلادھابارش کاسلسلہ جاری ہے،قلعہ عبداللہ،گلستان،شیلاباغ اورتوبہ کاکڑی میں بھی بارش سےموسم خوشگوارہوگیا،پشین،خانوزئی،برشور،کان اورمہترزئی میں موسلادھابارش ہوئی۔