حکومت کاسکولوں کی طالبات کیلئے مفت ٹرانسپورٹ فراہم کرنے کا اعلان

سکولوں کی طالبات کیلئے بڑی خوشخبری،حکومت کا طالبات کو مفت ٹرانسپورٹ فراہم کرنے کا اعلان، خیبرپختونخوا حکومت نے مڈل سکول کی طالبات کیلئےمفت ٹرانسپورٹ فراہم کرنے کا اعلان کردیا۔
پی آئی یو نے 10 اضلاع کے ایجوکیشن افسران کو مراسلہ ارسال کردیا۔ ابتدائی مرحلے میں ٹرانسپورٹ کی سہولت10پسماندہ اضلاع کی طالبات کودی جائے گی۔
مراسلے کے مطابق اس منصوبے میں صوبہ خیبر پختونخوا کے علاقےاپر اور لوئر کوہستان، کولئی پالس، تورغر کالا پہاڑ، لکی مروت، ڈی آئی خان، ہنگو، کوہاٹ، بنوں اور چارسدہ شامل ہیں۔ فیصلے کا اطلاق آئندہ تعلیمی سال کےآغاز سے ہوگا۔
مراسلے کے مطابق خیبر پختونخوا حکومت کے اس اقدام سے طالبات کو درپیش سفری مسائل کم ہوں گے اوروہ طالبات جن کا سکول گھر سے ڈیڑھ کلومیٹر یا زیادہ فاصلے پر ہے، وہ اس سہولت سے مستفید ہوں گی۔