خوشخبری ،یو ای ٹی لاہور کی عالمی درجہ بندی میں ترقی
![](https://pakistantoday.tv/wp-content/uploads/2024/04/UET-Lahore-905x400.jpg)
لاہور:(پاکستان ٹوڈے) پاکستانی شعبہ تعلیم سے بڑی خوشخبری۔ یونیورسٹی آف انجینئرنگ اینڈ ٹیکنالوجی لاہور کی عالمی درجہ بندی میں نمایاں ترقی۔
تفصیلات کے مطابق کیو ایس ورلڈ یونیورسٹی رینکنگ کی تازہ ترین فہرست کے مطابق یو ای ٹی لاہورنے رواں سال 1500 عالمی یونیورسٹیز جبکہ 14پاکستانی نامزدیونیورسٹیوں میں سے تعلیمی معیار اور انجینئرنگ و ٹیکنالوجی کے شعبے میں قابل ذکر پیشرفت کی ہے۔
یو ای ٹی نے پاکستان کی 14 یونیورسٹیز میں سرفہرست رہتے ہوئے 236ویں پوزیشن حاصل کر لی۔۔۔یونیورسٹی آف انجینئرنگ اینڈ ٹیکنالوجی لاہور کو عرف عام میں یو ای ٹی بھی پکارا جاتا ہے،جو پاکستان کی سب سے پرانی انجینئرنگ یونیورسٹی ہے۔ یہ ایک سرکاری یونیورسٹی ہے، جس کا سربراہ، یعنی چانسلر گورنر پنجاب ہوتا ہے، جبکہ انتظامی سربراہ وائس چانسلر ہوتا ہے۔
یو ای ٹی میں 6 بڑی فیکلٹیز ہیں، جن کے تحت تقریباً دو درجن ڈیپاٹمنٹس کام کر رہے ہیں۔ ہائیر ایجوکیشن کمیشن آف پاکستان کے مطابق یونیورسٹی آف انجینئرنگ اینڈ ٹیکنالوجی کا شمار ملک کی چند بہترین انجینئرنگ یونیورسٹیز میں ہوتا ہے۔