سکولوں میں25مئی سے گرمیوں کی تعطیلات کا اعلان

0
35

لاہور:(پاکستان ٹوڈے) طلبا کی موجیں لگ گئیں۔ گرمی کی شدت میں اضافے کے باعث پنجاب میں موسم گرما کی تعطیلات میں اضافہ کر دیا گیا۔

تفصیلات کے مطابق محکمہ سکول ایجوکیشن کے مطابق اب گرمیوں کی چھٹیوں کا آغاز یکم جون کی بجائے 25 مئی سے ہوگا۔گرمیوں کی چھٹیوں میں اضافے کا باقاعدہ نوٹیفکیشن جاری کر دیا گیا۔ محکمہ سکول ایجوکیشن پنجاب کا کہنا ہے کہ موسم کی شدت کی وجہ سے 7 اضافی چھٹیاں ہوں گی، جن سکولوں میں امتحانات ہو رہے ہیں، وہاں سکولوں میں چھٹیاں نہیں ہوں گی۔

اس سے قبل محکمہ سکول ایجوکیشن پنجاب کی جانب سے یکم جون سے گرمیوں کی چھٹیوں کا نوٹیفکیشن جاری کیا گیا تھا،لیکن نئے نوٹیفکیشن کے مطابق اب موسم گرما کی عام تعطیلات یکم جون کی بجائے 25 مئی ہی سے شروع ہوجائیں گی ،جو 14 اگست تک جاری رہیں گی۔

Leave a reply