سیلاب متاثرین کو ملنے والی سہولیات پر کسی قسم کا کوئی کمپرومائز نہیں ہوگا، عظمیٰ بخاری

صوبائی وزیراطلاعات عظمیٰ بخاری نےکہاہےکہ سیلاب متاثرین کو ملنے والی سہولیات پر کسی قسم کا کوئی کمپرومائز نہیں ہوگا۔
اپنےایک بیان میں صوبائی وزیراطلاعات عظمیٰ بخاری کاکہناتھاکہ پنجاب حکومت سیلاب سے متاثرہ ہر علاقے میں متاثرین تک پہنچ رہی ہے،وزیراعلیٰ پنجاب مریم نواز مسلسل سیلاب متاثرین کے پاس خود جاکر انکو ملنے والی سہولیات کا جائزہ لے رہی ہیں۔جہاں بھی کوئی انتظامی غلطی یا کوتاہی کی نشاندہی ہو مریم نواز فورا متعلقہ افسر کو جوابدہ بناتی ہیں۔
عظمیٰ بخاری کامزیدکہناتھاکہ سیلاب متاثرین کو ملنے والی سہولیات پر کسی قسم کا کوئی کمپرومائز نہیں ہوگا،تین ہفتوں سے مسلسل پنجاب کی انتظامیہ متاثرہ افراد کے درمیان موجود ہے،ضلعی انتظامیہ،سول ڈیفنس،ریسکیو،پنجاب پولیس و دیگر ادارے متاثرہ کو ریسکیو کرنے اور ریلیف دینے میں مصروف ہیں۔
اُن کاکہناتھاکہ پاک فوج اور رینجرز کی ٹیمیں بھی جذبہ حب الوطنی سے سرشار ہیں،مریم نواز اپنے فرائض کو ایک درد دل رکھنے والی ماں اور ایک بہن کی طرح ادا کررہی ہے۔بعض چھوٹے لوگ سیلاب متاثرین کے نام پر سیاست کررہے ہیں ۔سوشل میڈیا پر جھوٹے پروپیگنڈے کرنے والے انسانی جانوں کی اہمیت اور انکے مسائل سے عاری ہیں،کوئی سیلاب متاثرین کی دن رات خدمت کررہا کوئی انکے نام پر اپنی سیاسی شعبدہ بازی کررہا ہے،عوام جانتے ہیں کون مشکل کی گھڑی میں انکے ساتھ ہے کون انکے زخموں پر نمک پاشی کررہا۔