طلبا کیلئے خوشخبری,گرمیوں کی تعطیلات کب ہوں گی؟

لاہور:(پاکستان ٹوڈے) تاریخ کا اعلان ہو گیا۔ پنجاب بھر کے تعلیمی اداروں میں موسم گرما کی چھٹیاں 7 جون سے ہوں گی۔

تفصیلات کے مطابق ملک بھر میں مئی کے مہینے میں گرمی کی شدت میں اضافے کے پیش نظر محکمہ تعلیم پنجاب نے سکولوں اور کالجوں میں موسم گرما کی تعطیلات کے مجوزہ شیڈول کا اعلان کر دیا ۔ مجوزہ شیڈول کے مطابق موسم گرما کی تعطیلات 7 جون 2024 سے شروع ہوں گی اور 19 اگست 2024 کو تعلیمی ادارے کھولیں جائیں گے۔

ذرائع کے مطابق محکمہ تعلیم پنجاب مئی کے تیسرے ہفتے میں تعطیلات کا نوٹیفکیشن جاری کر دے گا۔دوسری طرف کراچی سمیت سندھ بھر میں نویں اور دسویں جماعت کے امتحانات جاری ہیں، تاہم صوبے میں بڑھتی گرمی کے پیش نظر موسم گرما کی تعطیلات کا اعلان جلد کیے جانے کا امکان ہے۔