عالمی شہرت یافتہ قوال امجد صابری کو بجھڑے 8 برس بیت گئے

0
16

عالمی شہرت یافتہ قوال امجد صابری کو بچھڑے 8 برس بیت گئے۔۔۔امجد صابری کو 22 جون 2016 کو قتل کر دیا گیا، مگر امجد صابری کی محبت بھری شخصیت کی یادیں آج بھی ان کے مداحوں کے دلوں میں تازہ ہیں۔

امجد صابری کو 8 سال قبل لیاقت آباد کے علاقے میں 16 رمضان کو ان گاڑی میں نامعلوم افراد کی فائرنگ کا نشانہ بنا یا تھا۔

وہ گھر سے رمضان ٹرانمیشن میں شرکت کیلئے روانہ ہوئے تھے اور راستے میں ان کے سر پر گولیاں ماری گئیں جس کی وجہ سے وہ موقع پر ہی دم توڑ گئے۔

برصغیر کے معروف قوال گھرانے سے تعلق رکھنے والے امجد صابری استاد غلام فرید صابری کے گھر 23 دسمبر 1976 کو کراچی میں پیدا ہوئے۔

صابری برادران کے نام سے مشہور اپنے والد اور چچا سے قوالی کی تربیت حاصل کی اور چھوٹی سی عمر سے ہی اس فن سے وابستہ ہوگئے۔ امجد صابری نے پاکستان سمیت بہت سے ممالک میں اپنے فن کا مظاہرہ کیا اور خوب شہرت کمائی۔

Leave a reply