مبینہ جعلی ڈگری کیس:عدالت نےجسٹس طارق محمود جہانگیری کو کام سے روک دیا
مبینہ جعلی ڈگری کیس میں بڑی پیشرفت ، اسلام آباد ہائیکورٹ نے جسٹس طارق محمود جہانگیری کو جوڈیشل ورک سے روک دیا۔
اسلام آباد ہائیکورٹ کے چیف جسٹس سردار سرفراز ڈوگر اور جسٹس اعظم خان نے آرڈر جاری کیا،جس میں سپریم جوڈیشل کونسل کے فیصلے تک جسٹس طارق محمود جہانگیری کو کام سے روکنے کا حکم جاری کیاگیا۔
اسلام آباد ہائیکورٹ نے مبینہ جعلی ڈگری کیس میں 2 عدالتی معاون بھی مقرر کر دئیے،سینئر قانون دان بیرسٹر ظفر اللہ خان اور سابق اٹارنی جنرل اختر اوصاف عدالتی معاونین میں شامل ہیں۔
اسلام آباد ہائیکورٹ نے اٹارنی جنرل پاکستان کو معاونت کے لئے نوٹس جاری کر دیا،اٹارنی جنرل سے کیس کے قابلِ سماعت ہونے سے متعلق معاونت طلب کر لی گئی۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔