معروف اداکار لطیف کپاڈیہ کومداحوں سےبچھڑے23برس بیت گئے

پاکستان شوبزانڈسٹری کےمعروف اداکارلطیف کپاڈیہ کومداحوں بچھڑے23برس بیت گئے۔
27مارچ1934کوانڈیاکےشہرناسک میں آنکھ کھولنےوالےاداکارلطیف کپاڈیہ جوکہ قیام پاکستان کے بعد کراچی منتقل ہو گئے، بنیادی طور پر وہ بینکاری کے شعبے سے وابستہ تھے لیکن اداکاری کا شوق رکھتے تھے۔
سینئراداکارلطیف کپاڈیہ نےپچاس کی دہائی میں کئی ڈراموں میں یادگار کردار نبھائے اور اپنےفن کالوہا منوایا،لطیف کپاڈیہ 60 کی دہائی میں پاکستان ٹیلی ویژن سے منسلک ہو گئے۔
چاردہائیوں تک ٹی وی اورسٹیج پرراج کرنےوالےاداکارلطیف کپاڈیہ نےاپنےفن سےلوگوں کےدلوں اپنامقام بنایااُن کے مشہور ٹی وی ڈراموں میں بارش، ففٹی ففٹی، برزخ، نادان نادیہ اور شکست آرزو شامل ہیں، ان کا کام آج بھی لوگوں کے ذہنوں پر نقش ہے۔
فنی خدمات کے صلے میں 23 مارچ 2001ء کواداکارلطیف کپاڈیہ کو تمغہ حسن کارکردگی سے نوازا گیا، لطیف کپاڈیہ 29 مارچ 2002ء کو 68 برس کی عمر میں اپنے مداحوں کو سوگوار چھوڑ کر خالق حقیقی سے جا ملے۔