میں نے پہلے ہی شوہر کو دوسری شادی کی اجازت دے ہوئی ہے:فاطمہ آفندی

0
15

اداکارہ فاطمہ آفندی نے کہا ہے کہ انہیں معلوم ہے کہ ان کے شوہر کبھی دوسری شادی نہیں کریں گے، اس لیے انہوں نے شوہر کو اجازت دے رکھی ہے۔

پاکستانی اداکارہ فاطمہ آفندی نے حال ہی میں ایک نجی ٹی وی چینل کے انٹرویو پروگرام میں شرکت کی، اور کھل کر نجی و پروفیشنل زندگی کے علاوہ معاشرتی موضوعات پر بھی گفتگو کی۔

دورانِ پروگرام ان سے کامیڈین مختلف موضوعات پر سوالات کر رہے تھے کہ اتنے میں میزبان نے پوچھ ڈالا کہ آپ کے جواب سے لگتا ہے کہ آپ کو شوہر کی دوسری شادی سے کوئی مسئلہ نہیں؟

وائرل ہونے والی مختصر ویڈیو میں فاطمہ آفندی کا کہنا تھا کہ مرد کو اسی لیے ہی سماجی جانور کہا جاتا ہے، کیوں کہ اسے ہر وقت تعلقات اور محبت کے لیے کوئی نہ کوئی اور کچھ نہ کچھ چاہیے ہوتا ہے۔

ان کئ بات پر پروگرام کے میزبان احمد علی بٹ نے کہا کہ اس کا مطلب ہے کہ وہ مرد کی دوسری شادی کے حق میں ہیں؟ اس پر پہلے اداکارہ نے حیرانگی کا اظہار کیا اور سوالیہ انداز میں کہا کہ دوسری شادی کی بات کہاں سے آگئی؟

فاطمہ آفندی کا کہنا تھا کہ مرد کی دوسری شادی کے معاملے پر الگ سے کبھی پروگرام کیا جائے گا لیکن ساتھ ہی انہوں نے شوہر کی دوسری شادی سے متعلق بھی بات کر ڈالی۔

اداکارہ نے دعویٰ کیا کہ انہیں معلوم ہے کہ ان کے شوہر نے کبھی دوسری شادی نہیں کرنی، اس لیے انہوں نے پہلے ہی شوہر کو دوسری کی اجازت دے رکھی ہے۔

واضح رہے کہ معصوم اداکارہ فاطمہ آفندی آج سے قبل اس وقت خبروں کی زینت بنی تھیں جب انہوں نے کہا تھا کہ فلم میں آئٹم سانگ نہ بھی ہوں تو میں فلموں میں کام نہیں کروں گی۔

ادکارہ کے بقول وہ ڈراموں میں خود کو زیادہ پر سکون محسوس کرتی ہیں، انہیں ڈراموں میں ہی اداکاری کرنا اچھی لگتی ہے۔

اس موقعے پراداکارہ نے مزاحیہ انداز میں کہا کہ ڈراموں میں کام کرنے سے وہ ہر روز ٹی وی پر آتی ہیں، جس سے انہیں لگتاہے کہ وہ لوگوں سے گھروں میں جاکر ملتی ہیں۔

فاطمہ آفندی ماضی میں بھی بتا چکی ہیں کہ وہ فلموں میں کام کرنے کا ارادہ نہیں رکھتیں۔

 

 

Leave a reply