واٹس ایپ میں حالیہ دنوں میں متعارف کروائے گئے 6 نئے فیچرز

واٹس ایپ صارفین کیلئے خوشخبری ،دنیا  کی  مقبول  ترین  انسٹنٹ چیٹ ایپلی کیشن نے چیٹس، کالز اور چینلز کیلئے کئی نئے فیچرز پیش کر دیے۔واٹس ایپ میں حالیہ دنوں میں متعارف کروائے جانیوالے 6 نئے فیچرزکون کون سے ہیں؟تمام تر تفصیلات سامنے آ گئیں۔
دنیا بھر میں 2 ارب سے زائد صارفین کے ساتھ واٹس ایپ کو دنیا کا سب سے بڑا میسجنگ پلیٹ فارم قرار دیا جاتا ہے۔ میٹا کی زیر ملکیت مقبول میسجنگ پلیٹ فارم واٹس ایپ نے حالیہ دنوں میں چیٹس، کالز اور چینلز پر صارفین کے تجربے کو مزید بہتر بنانے کیلئے نئے فیچرز متعارف کروا ئے ہیں، جن میں واٹس ایپ کی نئی اپ ڈیٹس میں ریئل ٹائم گروپ انڈیکیٹرز، ری ایکشنز اور ایونٹ ٹولز میں بہتری اور آئی فون صارفین کیلئے مزید کنٹرول شامل ہیں ،جو بات چیت کو زیادہ مؤثر بناتے ہیں۔
گروپ چیٹس میں صارفین اب ایک لائیو انڈیکیٹر دیکھ سکتے ہیں کہ اس وقت کتنے ممبران آن لائن ہیں، یہ گروپ کے نام کے نیچے ظاہر ہوتی ہے۔نوٹیفکیشن کی ایک نئی ترتیب (Notify for) صارفین کو تمام پیغامات کیلئے الرٹس یا صرف ہائی لائٹس جیسے کہ مینشن اور براہ راست جوابات کے درمیان انتخاب کرنے کی اجازت دیتی ہے۔
نئی اپ ڈیٹس میں ایونٹ مینجمنٹ سسٹم بھی شامل ہے، جس کے تحت ایونٹس اب گروپ اور انفرادی چیٹ دونوں میں بنائے جا سکتے ہیں۔واٹس ایپ صارفین اس فیچر کے تحت دوسروں کو مدعو کرنے کے ساتھ ایونٹس کیلئے تاریخیں، اوقات کار اور ایونٹس کو پن کر سکتے ہیں۔
واٹس ایپ کے نئے فیچرز میں ٹیپ ایبل ری ایکشنز بھی ہے، جس سے صارفین اب فوری طور پر ردعمل پر ٹیپ کر کے جواب دے سکتے ہیں، جو تیز رفتار گفتگو کو بہتر کرتا ہے۔آئی فونز صارفین کو ایک نئی سہولت سکین ڈاکیومینٹ دی گئی ہے، جس کے ذریعے دستاویزات کو براہ راست واٹس ایپ سے سکرین کیا جا سکتا ہے، نیزآئی او ایس پر ویڈیو کالنگ کو بھی بہتر بنایا گیا ہے۔
اب واٹس ایپ صارفین قریب سے دیکھنے کیلئے کالز کے دوران زوم کر سکتے ہیں اور کسی دوسرے شخص کو جاری ون آن ون کال میں شامل کرنا بھی اتنا ہی آسان ہے، جتنا کہ چیٹ میں کال آئیکن کو ٹیپ کرنا، اس کے علاوہ آئی فون صارفین اب میسجنگ پلیٹ فارم کو میسجنگ اور کالنگ کیلئے ڈیفالٹ ایپ کے طور پر بھی کر سکتے ہیں۔