وفاقی وزیر داخلہ محسن نقوی کی پنجاب اسمبلی آمد
![](https://pakistantoday.tv/wp-content/uploads/2024/03/Mohsin-Naqvi-4-905x400.jpg)
لاہور:(پاکستان ٹوڈے) وفاقی وزیر داخلہ محسن نقوی نے سینیٹ الیکشن کے لئے آزاد امیدوار کی حیثیت سے 2 کاغذات نامزدگی جمع کرا دئیے۔
حکومتی اتحاد کی چاروں جماعتوں کے اراکین اسمبلی نے وفاقی وزیر داخلہ محسن نقوی کو سینٹ انتخابات کے لئے تجویز کیا اور تائید کی ۔ محسن نقوی آزاد حیثیت سے سینٹ انتخابات میں حصہ لیں گے۔
محسن نقوی کو سینٹ انتخابات کے لئے مسلم لیگ ق کے شافع حسین نے تجویز کیا اور مسلم لیگ ن کے خواجہ عمران نذیر نے تائید کی ۔ محسن نقوی کوپیپلز پارٹی کے سید علی حیدر گیلانی نے تجویز کیا جبکہ استحکام پاکستان پارٹی کے غضنفر عباس چھینہ نے ان کی تائید کی۔