پاکستانی طلبا نے پہلی مرتبہ ورلڈ سکالر کپ گلوبل میں فتح حاصل کرلی

شعبہ تعلیم سے بڑی خوشخبری، پاکستانی طلبا نے پہلی مرتبہ ورلڈ سکالر کپ گلوبل میں فتح سمیٹ لی۔پاکستانی طالبعلموں نے ورلڈ سکالرکپ گلوبل راؤنڈ میں تیسری پوزیشن حاصل کرلی۔
دوحہ میں ہونیوالے ورلڈ سکالرکپ میں ایچیسن کالج کے 3 طالبعلموں نے 11 سے 17 جون تک مقابلوں میں حصہ لیا۔ورلڈسکالرکپ میں 50 سے زائد ممالک کے 1700 وفود کے درمیان کوئز، ڈیبیٹ اور تحریر سمیت مختلف مقابلہ ہوئے۔پاکستان سے ابراہیم عثمان اجمل، محمد احمد ذوالفقار اور حسین اسلم بھنڈر نے 92 میڈلز اور 11 ٹرافیاں جیتیں۔
پہلی مرتبہ پاکستانی طالبعلموں نے ورلڈ سکالر کپ کا گلوبل راؤنڈ جیتا ہے، اس کے علاوہ یہ تینوں طالبعلم رواں سال امریکی ییل یونیورسٹی میں ہونیوالی چیمپئن ٹورنامنٹ میں بھی حصہ لیں گے۔